ORQUESTA de MÚSICA ESPONTANÉA de Galicia (OMEGa)

CRISEWHATCRISE

Concertazos da Orquestra de Música Espontánea de Galicia (OMEGa) á tiro de pedra ou de tomates!!! Será este vindeiro 18 & 19 de maio no Teatro Ensalle de Vigo (Rúa Chile 15) ás 22:00 hrs, xusto despois do Día das Letras Galegas e antes do alineamento cósmico e o eclipse anular previsto para o domingo 20 por astrónomos e astrólogos de todo espazo-tempo como un momento excepcional. O venres 18 a OMEGa preséntase desarticulada en 7 formacións nas que se exploran diferentes achegamentos á improvisación sonora en pequenas e medianas formacións de carácter variado e variable. O sábado 19 teremos o placer de presentar de novo á OMEGa ao vivo, dirixida polas ideas propostas e traballadas por diferentes músicos da Orquestra nestes últimos tempos, como una pequena mostra do enorme potencial e a riqueza que atesoura un proceso colectivo de descoberta como é a creación sonora espontánea. Música improvisada baixo conducción xestual sustentada na atención mutua, na incertidume do instante e na confianza plena no presente continuo. Entrada: 9€. Dous días: 12€ Moitas grazas pola atención. Agardamos difusión, reenvío e a vosa presencia física ou virtual calquera dos dous días ou ambos se sodes da casa-causa. Saúdos vibracionais.

Centro de Novas Tecnoloxías do Pico Sagro.